الرئيس محمد مرسى
كتب – شريف ايمن:
انتقدت صفحة ”انا اسف يا ريس”، احدى اشهر الصفحات المؤيدة للرئيس السابق مبارك على موقع التواصل الاجتماعى ”الفيس بوك”، الكلمة التى القاها الرئيس محمد مرسى مساء امس خلال الاحتفال بنصر اكتوبر باستاد القاهرة، والخاصة بانجازاته خلال المائة يوم الاولى منذ توليه سدة الحكم فى مصر.
وقالت الصفحة، في بيان ساخر لها، ”محمد مرسى النهاردة كان لطيف جداً، واتضح يا جماعة إننا كنا ظالمينه طول الفترة دى، يعنى المرور طلع منضبط جدا ومفيش زحمة والحياة براح فى براح، والامن مستتب وعال العال، والآسعار رخيصة جداً والمانجة أصبحت فى متناول الجميع، أما بالنسبة للنظافة فمن كتر النظافة بناكل من عالآرض، وطبعاً الكهرباء كان العيب مننا لآننا مبنرشدش استهلاكنا”.
واضافت الصفحة، ”أما بالنسبة للى بيحصل في سيناء فدى مجرد أشعات مغرضة ورغيف العيش بقى بـ 10 قروش، فده علشان مناكلش كتير ونحافظ على صحتنا، وبالنسبة إن سعر الآنبوبة وصل 80 جنيه فدي هما مش مسئولين عنها العيب على بتوع الآنابيب، أما بالنسبة لمناسبة الاحتفال بـ 6 أكتوبر ملهاش أى لازمة نرجع للخلف احنا نبص لقدام ولآنجازات المائة يوم الرائعة!!”
واختتم ادمن الصفحة البيان، قائلاً ”وأخيراً أحلى حاجة فى محمد مرسى انه بسيط ومتواضع جداً لدرجة أن الخطبة اللى قالها ميقولهاش ظابط مرور أو عامل نظافة وكان خطاب لطيف جدا لم يتجاوز 5 ساعات، اتقوا الله وبطلوا افترى حرام عليكم سيبوا النظام يعمل فى صمت”.
المصدر ”آسف يا ريس” رداً على خطاب مرسى: الامن مستتب والاسعار رخيصة
No comments:
Post a Comment